Aligaga raw ngayo­n si Philippine National Police (PNP) Chief Director General Ronald ‘Bato’ dela Rosa sa pag-iikot nga­yon sa iba’t ibang baha­gi ng bansa upang ipaalala sa mga miyembro ng PNP na nalalapit na ang anim na buwang palugit na itinakda ni Pangulong Rodrigo Duterte para wakasan ang problema sa iligal na droga, krimen at korupsiyon sa bansa.

Nababahala ang lide­rato ng PNP na baka hindi makayan ng kapulisan ang inilunsad na giyera sa iligal na droga.

Sakaling mabigong mapagtagumpayan ang laban ang magiging kahihinatnan anang PNP chief ay pagkatalo nila sa inilunsad na kampan­ya kontra illegal drugs.

Ang gobyernong Duterte sa pangungun­a ng PNP ay nasa ikatlong buwan na sa kapangya­rihan at tatlong buwan na lamang ang nalalabi para makamit nila ang tagumpay sa laban.

Ang ginagawan­g aksyong ito ng PNP ay pagpapamalas ng kanilang sinseridad na pagtagumpayan ang laban sa iligal na droga na atin namang hinaha­ngaan.

Pero ang sa amin, hindi kailangan ang deadline sa labang ito sa iligal na droga. Ang dapat ay puspusan at walang humpay dapat na pakikipaglaban upang tulu­yang mabura sa ating lipunan ang mga nagpapakalat ng iligal na droga na sumira sa buhay ng maraming Filipino.

Kaya ang sa amin, mapatagumpayan man o hindi ang anim na buwang ibinigay ng gobyerno sa kanilang sarili para wakasan ang problema sa iligal na droga ay hindi na ito malaking kuwestyon sa sambayanang Filipino.

Dahil ang mahalaga sa puntong ito ay nakita ng mga mata ng bawat Filipino kung papaan­o isinakatuparan ng pamahalaan sa pangu­nguna ng PNP ang pagtunton sa mga sangkot sa operasyon ng iligal na droga sa bansa, mapa-malaki o maliit man itong personalidad.