Pinaniniwalaang nagbigti ang isang 27-anyos na lalaking may diperensiya umano sa pag-iisip matapos mawala ng apat na araw mula nang umalis sa kanilang bahay sa Balayan, Batangas.
Sa ulat ng Balayan Municipal Police Station, mag-aalas singko ng hapon kamakalawa ng madiskubre ang bangkay ni Jeffrey De Leon y Bahia ng Barangay 9 sa nabanggit na bayan, habang nakadapa at nakakabit pa sa leeg nito ang naputol na tali ng straw.
Nakatali naman sa nabuwal na punong mangga ang kaputol na plastic straw na ginamit ng biktima,
Napag-alaman din mula kay Edwin De Leon na dati na umanong may suicidal history ang kanyang kapatid ngunit ngayon lamang natuluyan sa pagpapakamatay.