Sa gitna ng mga banta sa buhay ni Pangulong Rodrigo Duterte at ng First Family, nagpahaya­g ng pagkabahala ang Pre­sidente pero nanindigan ito na kaya nilang idepensa ang kanilang mga sarili.

“He must be worried (Davao City Vice Ma­yor Paolo Duterte) because he has so many children. Ah nakakatakot lang din… Ako, si (Davao City Mayor) Inday pati sila kaya nila ‘yan and Sebastian, medyo malikot ‘to, pas­yal nang pasya­l but otherwise we can defend ourselves.

Ako I can walk where I want to go, and ah sinasanay ko ‘yung sarili ko,” pagbibigay-diin ng Pangu­lo sa press briefing kahapon kasunod ng pagpapasinaya sa Davao International Container Terminal (DICT) sa Davao del Norte.

Patungkol naman sa bunsong anak na si Kitt­y ay tiniyak ng Pangulo na may nagbabantay rin dito.

“…That one thing she (Kitty) has, I think, a security also but siya lang… ako hindi nga ako use to be talking to sa Presidential security command. Because they are always around me whether I like it or not.

I have been dri­ving them away since day one but they just don’t believe me so there’s no­thing I can do. Alam mo naman ako malapit sa tao I embrace them tsika-tsika it has always been my norm as a politician. Apparently, when you are a President everything changes.

You cannot have your cake and eat it too ika nga,” ayon pa kay Pangulong Duterte.
Sa kabila ng mga death threats at nabunyag na assassination plot, walang plano ang Pangulo na bawasan ang kanyang mga schedule sa labas ng Malacañang.

“No. I will not ayoko nang magyabang pero absolutely no. I live the way I want it. I work the way I must,” sabi pa ng Pangulo.

Kaugnay nito, tiniyak naman ni Presidential Communications Office (PCO) Secretary Martin Andanar na hindi nila hahayaang makalusot ang mga assassins at nagbabanta sa buhay ng Pa­ngulo.

“Massive ang campaign. So itong mga assassination plots na ito, although araw-araw naman nakakatanggap ang ating Pangulo ng assassination threat at ito naman ay minamatyagan ng ating Presidential Security Group (PSG) and of course, malaki din ang tulong ng taumba­yan… kung tayo ay magsilbing mga neighborhood watch.

Kumbaga, tulungan din natin iyong ating mga kapulisan, dahil alam naman natin na kulang pa rin ng numero ang ating mga pulis kung ikukumpara natin ang dami ng ating populasyon, 104 milyon,” apela ni Andanar sa publiko.

Binanggit pa ni Andanar na sa gitna ng mga banta ay tuloy pa rin ang aktibidad at pagtatrabaho ni Pangulong Digong.

“This is part of the territory, itong mga nangyayari sa ating Pangulo ‘no, itong mga death threats na ito. Hindi naman natin ito babalewa­lain lang. We will also take extra ordinary steps para mas lalong masiguro ang seguridad ng ating Pangulo,” dagdag nito.