Darating sa Pilipinas sa November ang isang high-level business delegation mula sa Spain upang tingnan kung saan puwedeng mag-invest partikular sa Mindanao.
Hopefully ay hindi lang ang pagpapasok ng capital sa bansa ang maging resulta ng pagbisita ng Spanish delegation, bagkus ay magkaroon sana ng pagpaparami ng job opportunities para sa OFWs sa Spain.
Just the same, kung makaka-generate ng maraming patrabaho sa bansa ang pagpasok ng foreign investors, mas marami sa mga kababayan natin ang hindi na mag-a-abroad para kumita.
Good news
Kamakailan ay nagpahayag ang Hong Kong ng pagtaas ng suweldo ng foreign domestic helpers doon.
Well, may magandang balita coming from Taiwan naman — ang pagtataas ng 5 percent sa suweldo ng lahat ng OFWs simula sa January 1, 2017.
Ang development ay ibinalita ng Manila Economic and Cultural Office (MECO) sa okasyon ng 105th National Day Reception of Taiwan na ginanap sa Hotel Sofitel.
P1,500 dagdag
Ang increase ay resulta ng isinagawang pag-aaral ng Minimum Wage Review Committee ng Ministry of Labor ng Taiwan.
Sa kasalukuyan ay NT$20,008 o P30,771 ang minimum wage sa Taiwan. Ito ay itataas sa NT$21,009 o mas malaki ng NT$1,001 o katumbas ng P1,500 na pagtaas kada buwan.
For sure ay may magsasabi na hindi naman malaki ang P1,500 na itataas sa suweldo ng OFWs na minimum wage earner sa Taiwan. Eh pero mabuti na rin ‘yan kaysa wala, hindi ba?
10 years
May proposal sa House of Representatives na i-extend sa 10 taon ang validity ng Philippine passports mula sa kasalukuyang validity na limang taon.
Ito ay pabor daw sa mga OFW na naha-hassle sa pagpapa-renew ng pasaporte lalo na kung nasa kalagitnaan ng pagtatrabaho.
Actually, mahaba na rin ang 5-year validity ng Philippine passports, considering na half decade ang renewal na kailangang gawin ng passport holder.
Tatagal?
Isa pa, may tatagal kayang pasaporte sa loob ng 10 taon kung wear and tear ang pag-uusapan. Isa pa, hindi ba in 10 years time ay baka hindi na ninyo kamukha ang picture n’yo sa inyong pasaporte?
Come follow Me On Twitter @beeslist o tumawag sa 551-5163 o mag-email sa usapang_ofw@yahoo.com kung may komento o ipinagsisintir.