Pac-Floyd 2 sa Saudi

Patok ngayon at ­matunog ang kumakalat na balitang matutuloy na ang ­matagal ng nilulutong rematch nina undefeated ­champion Floyd ­Mayweather Jr. ng Estados ­Unidos kontra kay ­Emmanuel ‘Manny’ ­Pacquiao.

Ayon sa mga ulat, ­pursigido nang balikang muli ni Mayweather si Sen. Pacquiao na kadiriwang lang ayng kanyang 41st birthday nitong December 17.

Maraming beses na ring nagpahiwatig ang ­American boxer ng kanyang comeback kung saan target niya sa pagbabalik mula sa pagreretiro sa boxing ring ang Pambansang Kamao.

Sakaling mapursige ang rematch na #MayPac2, ito ang magiging ikalawang pagtutuos nina Pacman at Moneyman at ­umuugong na sa taong 2020 ito ­magaganap.

Dahil rin sa ­kasalukuyan ay may on-hold pa na deal ang fighting senator ­kontra kina Mickey at Danny ­Garcia na mga kalahi ni Mayweather.

Dahil sa mainit-init at nakatakdang bangasan ng mukha ng Pinoy boxing legend at Pretty Boy ay posibleng mahigitan na naman ang limpak-limpak nilang kinitang $50M noong 2015 sa unang bakbakan sa Las Vegas kung saan kontrobersyang nanalo sa unanimous decision ang Kano.

Umaalingawngaw rin na nakatakdang kumita si Mayweather sa Pac-Floyd 2 ng $100M, samantalang si Pacman ay $50M. (Aivan Denzel Episcope)