GENERAL TIÑIO, Nueva Ecija — Ginahasa at pinaslang ng isang 15-anyos na umano’y bangag sa droga ang isang 16-anyos na dalaga noong Lunes ng madaling-araw sa Brgy. Poblacion Central sa bayang ito.
Sa ulat ni P/Sr. Inspector Joey Cabatin, nakilala ang biktima na si Alexandria Genesis Padolina Manabat, grade 11 sa General Tiñio National High School na namatay dahil sa mga tinamong saksak sa katawan.
Ayon sa imbestigasyon, dakong ala-1:25 ng madaling-araw ng may magsumbong na nakita ang salarin na si Patrick James Manuel, residente ng Brgy. Pulong Matong dito at grade 7 din sa Gen. Tiñio National High School, na lumabas na walang suot na pang-ibaba mula sa bahay ng biktima.
Tumibay ang kaso laban sa naarestong si Manuel dahil sa mga narekober na underwear, jogging pants at 13 pulgadang patalim sa silid ng biktima.