Kinumpleto na ng Philippine Volcanoes ang Top 18 na pagkukunan ng final roster na isasagupa sa 2019 World Series Qualifiers sa Hong Kong.

Siklab sa April 5-7 sa Hong Kong National Stadium ang event kasabay ng Cathay Pacific HSBC Hong Kong Sevens.

Kasa sa Top 18 sina Christoper Arpon Bird, Daniel Bembo Matthews, Donald Canon Coleman, Edlen Cortez Hernandez, Evan Santillan Spargo, Jaime Sebastian Antonio Chuidian, Jerome Padillo Rudder, Joe Pa­labay Dawson, Jonico Ater Hardwick, Justin Villazor Coveney, Mark Mapacpac Roberts, Pat­rice Ortiz Olivier, Robert Luceno Fogerty, Ryan Reyes Howe, Tim Alonso Berry, Timothy Bweheni, Tommy Kalaw Gilbert at Vincent Amar Young.

Si Frano Botica ng New Zealand ang coach ng PH National Men’s Sevens Rugby Team na suportado ng Globe Telecom at Philippine Sports Commission.

Tanging ang Pilipinas at 2018 Asian Games gold medalist Hong Kong ang Asian nations na pumasok sa World Series Qualifiers nga­yong taon. Sinelyuhan ng Volcanoes ang isang slot sa bisa ng bronze finish sa 2018 Asia Sevens Series.