Dumalawang titulo si Annika Diwa sa girls division samantalang nagbida si Joshua de Guzman sa boys’ 18-and-under singles nang kahahambalos lang na ninth leg of 19th HEAD Junior Tennis Satellite Circuit sa Baguio City Tennis Club.
Giniba ni Diwa si Trisha Gutierrez, 6-1, 6-2, sa finals ng 12-and-under girls’ singles saka sinilat pagkaraan si top seed Angelyn Atos, 6-0, 6-3, para sa 14-and-under crown ng satellite circuit junior tennis tournament ng HEAD Philippines distributor Dynamic Sports.
Binaon ni De Guzman si Jonas Joseph Silva, 6-2, 7-5 win at upuan ang trono ng boys’ 18-and-under ng kompetisyon na nilahukan ng 100 netters ng Northern Luzon.
Sinuportahan ang torneo ng Chris Sports retail chain, Toalson Strings, UBE Express, Premium Airport Bus Service, People’s Television, Aksyon Sports, Philippine Locale, Cook, at Health and Fitness.
Sa iba pang mga paluan, nadale ni Dale Cuevas si Justin De Guzman, 6-4, 6-3, para sa boys’ 16-and-under tiara, habang nagitla ni second seed Daniel Estanislao si top seed Marc Andrei Jarata, 6-0, 6-1, upang masungkit ang boys’ 14-and-under trophy at binutata ni Jowen Pascua si Ryan Reyes, 6-0, 6-0 para sa boys’ 12-and-under diadem.
Pasikat naman si Kidlat Estogero sa pagwalis kay Zandre Mina, 4-0, 4-0, at kunin ang 10-and-under unisex crown.