Isang magandang Easter blessing at advance birthday gift ang natanggap ni Daniel Padilla.
Naka-post sa Instagram wall ng kanyang ina na si Karla Estrada ang larawan ni Daniel at ang dalawang lalake. Ang mga ito’y ang lolo ni DJ at ang half-brother ni Karla. Sa unang pagkakataon ay nagkita si Daniel at ang lolo niya.
Ang pangyayaring ito ay matagal na niyang ipinagdarasal at inaasam. Feeling nasa cloud 9 ang pagkakasalarawan ni Karla sa photo na ipinaskil niya.
Sinadya ng tatay ni Karla at kapatid niya ang show ni Daniel sa New Jersey para makilala ang apo. Nanood na rin sila ng show.
@karlaestrada1121, “mula Philadelpia to New Jersey naglakbay ang Tatay ko (Raymond Ford) at kapatid ko (Ian Ford) para mapanood ang grupo nina Daniel at Kath. Napakagandang larawan nito. Wala na kong mahihiling pa.”
Nasa Amerika ang grupo ng KathNiel para sa series of shows. Doon na rin inabutan ng kaarawan si Kathryn.
Pagbalik nina Daniel, ang kaarawan naman niya ang isi-celebrate.
Pumapanig talaga ang mundo kay Karla dahil bukod sa magandang career niya at ni DJ, meron pa silang masayang pamilya.