Sa loob lamang ng dalawang minuto ay isang lalaking sangkot ­diumano sa iligal na drog­a ang tumimbuwang nang makasagupa ang mga ­elemento ng pulisya sa isinagawan­g drug-bust operation sa Las Piñas City kamaka­lawa ng gabi.

Sanhi ng tinamong tatlong tama ng hindi pa mabatid na kalibre ng baril sa dibdib ay namatay noon din sa pinangyarihan ng insidente si Raffy Cajeda, nasa hustong gulang, residente ng Manggahan, Barangay­ Talon Dos, Las Piñas City makaraan ang maiksing pakikipagpalitan ng puto­k sa mga pulis.

Lumalabas sa ulat ng pulisya na dakong alas-otso ng gabi nang maganap ang insidente sa ­Mangahan St. ng nasabing lungsod.

Base sa report ni ­Senior Supt. Jemar ­Modequillo, hepe ng Las Piñas City Police, si Cajeda ay kabilang sa drug watchlist ng kanilang barangay kaya nagsagawa ng buy-bust operation laban dito.

Sinabi pa ni Modequillo na nakatunog ang suspect na may mga pulis na nakaantabay kung saan magaganap ang bentahan ng iligal na droga kaya bago pa man ang bilihan ay bumunot kaagad ito ng baril hanggang magka­­p­a­litan ng putok ang mag­kabilang panig.

Pagkalipas ng dalawang minutong palitan ng putok ng magkabilang panig ay bumulagt­a si Cajeda at agarang nasawi.

Sa pinangyarihan ng insidente ay nakarekober ang mga awtoridad sa suspect ng anim na plastic sachet ng shabu at kalibre .38 na ginamit ng suspect sa pamamaril.

Ang labi naman ng biktima ay pansamantalang inilagak sa Peoples Funeral Homes upang isailalim sa awtopsiya.