Patay ang dalawang lalaking magkaangkas sa motorsiklo matapos masagi ng isang van sa Gumaca, Quezon kamakalawa ng hapon.

Kinilala ang mga biktima na sina Armando Andal Arandela, 38; at Conrado Gajo Nullan, 42, kapwa residente ng Barangay Bamban, Gumaca.

Batay sa report, bandang alas-4:30 ng masagi ang motorsiklo ng mga biktima ng isang nag-overtake na Nissan Urvan na minamaneho ni Richmon Carpio dahilan upang ito’y sumemplang sa Mahar­lika highway, Brgy. Panikihan.

Nagtamo ng mga grabeng pinsala sa katawan ang mga biktima at naisugod pa sa ospital suba­lit ideneklarang dead-on-arrival ng mga doktor.

Arestado ang driver ng van na nahaharap sa kasong reckless imprudence resulting to double homicide.