Tampok ngayon ang mga celebrity mother na walang kakupas-kupas ang ganda. Mga hot momma na bagamat may mga anak na ay kaya pa ring makipagsabayan sa mga nagseseksihan sa industriya.
1. Jennylyn
Nangunguna sa ranking ang aktres na si Jennylyn Mercado. Kung dati ay ‘di na maitatanggi ang taglay na kaseksihan niya ay mas tumriple ang pagiging hot nito. Malaki ang pinagbago ng pangangatawan niya matapos manganak sa panganay niya na si Alex Jazz Mercado. Hindi nakakapagtaka na napabilang siya sa Top Sexiest Woman in the Philippines nu’ng 2015 sa isang Men’s Magazine at simula noon ‘di na siya nawala sa Top 10.
2. Marian
Pumapangalawa sa ranking ang aktres na si Marian Rivera. Nakakaloka kung gaano kabilis ang pagpayat niya. Ilang buwan pa nga lang makalipas manganak sa panganay niya na si Zia Dantes ay nakapagsuot na agad ng two piece swimsuit ang aktres. Labis na kaseksihan rin ang ipinamalas niya sa teleserye niyang “Super Maam” na kung saan ay toned na toned ang kaniyang abs. Ngayong nagdadalang tao siya sa kaniyang second baby na kamakailan lang ay inanunsiyong lalaki ang kasarian.
3. Cristine
Ang ikatlo sa ranking ay ang aktres na si Cristine Reyes. Talagang maili-level ang kaseksihan niya sa mga wala pang anak sa industriya. Sikreto ni Cristine? Moderation sa pagkain at exercise. Physically active talaga siya.
4. Sarah
Pang-apat naman sa mga hot mommas ang aktres na si Sarah Lahbati. Kapansin-pansin ang mga sexy photos niya sa mga out of town nila ng asawang si Richard Gutierrez. Bagamat dalawa na ang anak ( Zion at Kai) ay wala pa ring kupas ang alindog ng aktres. Hindi kataka-takang nabighani niya ang pantasya ng bayan na si Richard.
5. Andi
Ikalima sa ranking ang young mom na si Andi Eigenmann. Mas malaki ang iginanda ng katawan niya ngayon. Hindi lang dahil sa kinahuhumalingan niyang surfing kundi sa napaka-strict na diet. Mukha pa rin dalaga ang aktres at ‘di mahahalata na may pitong taong gulang na siyang anak na si Adrianna Gabrielle “Ellie” Eigenmann.
6. Katrina
Pang-anim naman sa ranking ang aktres na si Katrina Halili. Aminado ang aktres na lumaki ang pangangatawan niya matapos manganak kay Katrence “Katie” Lawrence sa dating boyfriend na si Kris Lawrence. Pero dahil na rin sa pagiging determinado na mabalik ang alindog ay naging masigasig ang aktres sa pagre-reduce ng timbang. Isa sa sikreto ni Kat ay ang “sleeping diet.” Kaya naman ngayon ay panalo ang kaseksihan niya at talaga namang swimsuit-ready.
7. Toni
Ikapito sa mga hot momma ay ang host at aktres na si Toni Gonzaga. Talagang physically fit na ang aktres kahit noong nagbubuntis pa ito. Pagkapanganak sa first baby niya na si Severiano “Sevie” Elliott Gonzaga Soriano sa asawang si Direk Paul Soriano ay parang walang nangyari dahil sa bilis ng pagbalik ng kaniyang katawan.
8. Ina
Ang ikawalo naman ay ang aktres na si Ina Raymundo. Sa kaseskihan na taglay niya ngayon ay parang hindi siya tumatanda. Kung ano si Ina noon ay siya pa rin ngayon. Hindi rin kapani-paniwala na mayroon na siyang limang anak. Ang sikreto sa “ageless” na si Ina ay ang pagiging adik niya sa Zumba at boxing.
9. Sunshine
Ikasiyam sa ranking si Sunshine Cruz. Nakakaloka dahil kapag nagtabi sila ng mga dalaga niyang anak (Angelina, Angeline Isabel, Samantha Angeline, Angel Francheska) ay parang magkakapatid lang sila at hindi mag-iina. Sa edad na 41 ay kering-keri pa rin niya magsuot ng two piece swimsuit. Nakaka-inggit na sa edad niya ay mayroon siyang toned abs.
10. Bangs
Ang panghuli sa ranking ay ang aktres na si Bangs Garcia. Kung seksi na siya noon ay mas sumeksi siya ngayong isinilang niya ang first born na si Amelia Garcia Birchmore. Pitong buwan matapos manganak ay balik alindog na agad ang aktres. Ibinahagi niya pa nga ang sikreto niya sa kaniyang Instagram. Kasabay ng payo at permiso ng doktor, kahit buntis pa ang aktres ay nagwowork out pa rin siya at maintain ang strict diet hanggang manganak siya.