Bagama’t opisyal ng idineklara ng Philippine Atmospheric Geophysical and Astronomical Services Administration (PAGASA) ang panahon ng tag-ulan ay isang sunog pa rin ang tumupok sa 25 kabahayan sa Quezon City kahapon ng hapon.
Ayon kay Sr./Supt. Manuel Manuel ng QC Fire Marshall nagsimula ang sunog dakong ala-una ng hapon sa bahay na pag-aari ng isang Luisito Venison sa No. 304-Purok 4, Luzon Avenue, Brgy. Culiat.
Dahil gawa sa mga light material ay naging mabilis ang pagkalat ng apoy sa mga katabing kabahayan nito.
Lumilitaw na galing ang apoy sa isang kuwarto ng bahay ni Venison na inuupahan umano ni Jocelyn Ledesma.
Ayon naman kay Sr./ Supt. Manuel, nagtagal lang ng isang oras ang sunog dahil dakong alas-2:10 ng hapon ay idineklara din itong fire out.
Wala naman nasawi o nasaktan sa nasabing sunog na umabot sa 3rd alarm subalit limampung pamilya ang nawalan ng matitirhan.