Arestado ang 28 tripulante ng dalawang fishing vessel, matapos lumabag sa City Ordinance 06-3149 o Anti-Illegal Fishing sa Cavite City.

Sa nakalap na ulat mula sa Cavite City Component Police Station, nabatid na mag-a-ala-una ng madaling-araw kamakalawa nang masabat ng mga awtoridad ang F/B Prince Robie at F/B Super Manuel may siyam na kilometro ang layo sa baybaying dagat na sakop ng Barangay 48, San Antonio, Cavite City.

Kinilala ang mga suspek na sina Manuel Lee, Rodgie De Leon, Bruno Encarnacion, Angelito Lee, Jodito Nobo, Patric Marquez, Joel Balete, Leo Macawile, James Pamplina, Benjie Maneron, Oscar Macawile, Carlo Calagos, Janet Maneron, Jess Pangyarihan, Ramil Guevarra, Harold Bacungan, Anthony Pamplina, Jonathan Talab, Christian Verano, Victorino Peñero, Gleserio Del Rosario, Angelito Macawile y Silvestre, Villio Colenares, Luis Macawile, Rogelio Baron, Goel Bacsal, Ronaldo Pangyarihan, at Emil Pangyarihan.