Gaya ng awitin ng grupong Apo Hiking Society na Blue Jeans ay wala pa rin itong kupas.
Ayon sa mga Pinoy fashion designer ay usong-uso pa rin at patok suotin ngayong taong 2019 ang acid wash o kupas na pantalong maong.
Sino ba naman ang magsasawa sa maong jeans?
Bukod sa komportable nang suotin at walang pinipiling weather o panahon, bukod sa casual o pagiging sporty ay puwede pa siyang pang-formal.
Puwede rin itong isuot sa anumang okasyon dahil balanseng-balanse sa pagiging laidback o stylish.
Kahit plain t-shirt lang at patungan ng jacket o blazer ay cool na at kaaya-ayang tingnan ang get up.