Nakarating na sa Africa ang kinatatakutang coronavirus disease 2019 ­(COVID-19).

Kinumpirma ito ng Ministry of Health ng Egypt matapos isai­lalim sa pagsusuri ang mga dumating na pasa­hero galing sa iba’t ibang bansa kung saan mayroong ­COVID-19 infection.

Ayon kay Ministry of Health Spokesperson Dr. Khaled Mujahid, isang “foreigner” ang nagpositibo sa COVID-19.

Inihayag nito na kanila nang ipinabatid sa World Health Organization (WHO) ang natuklasang kaso ng “foreigner” na ­COVID-19 carrier.

Ito ang unang kaso ng COVID-19 sa Africa mula nang kuma­lat ito sa Wuhan City, China noong Disyembre 2019.