Walang nakapigil sa African imports sa pananalasa sa MBL Open basketball championship sa EAC Sports Center.
Nangalabaw si Chabi Soulmane ng 31 points para bitbitin ang Colegio de San Lorenzo-V Hotel sa 89-79 panalo laban sa MLQU-Victoria Sports.
Nagsalansan naman ng 28 markers si Alex Diakhite para buhatin ang Diliman College-JPA Freight Logistics Blue Dragons sa paglampaso sa NCAA member Emilio Aguinaldo College Generals 72-56.
Nagpiyesta sa paint ang 6-foot-6 workhorse na si Soulmane para itulak ang Blue Griffins sa ikalawang sunod na panalo. Sa fourth quarter ay nambarako ng 13 points ang Nigerian.
Ang eight-team tournament ay suportado ng Smart Sports, Ironcon Builders, Star Bread, Dickies Underwear at Gerry’s Grill.