Sa Twitter dinaan ni Phoenix coach Louie Alas ang sagot sa game officials matapos mabigyan ng technical si Fuel Masters governor Atty. Raymond Zorilla Lunes ng gabi.
Marami raw governors na mas matindi pang magreklamo pero hindi nate-technical.
Sa 4:46 mark ng third quarter ng laro kontra San Miguel Beer, kinompronta ni Zorilla ang referee kasunod ng ilang offensive rebounds at sablay na putbacks ng Fuel Masters.
“For the longest time a PBA governor Teed (technical), maraming mas matindi magreklamo compared kay Atty RTZ pero di natetetechnical try to observe the other Gov,” tweet ni Alas.
Nakalamang pa ng 12 ang Phoenix pero natalo 92-82 at nalubog 0-2 sa PBA Philippine Cup semis.
Sa second quarter, ejected si Beermen big man Christian Standhardinger nang mapituhan ng flagrant foul 2 matapos sipain sa ibaba ng puson si Calvin Abueva.(Vladi Eduarte)