AlDub vs KathNiel vs JaDine, wagas ang salpukan sa awards
PEP List Year 3 mamayang gabi sa Grand Ballroom ng Crowne Plaza Hotel sa Ortigas.
Ito ang annual event ng PEP (Philippine Entertainment Portal) kung saan nagbibigay sila ng awards sa iba’t ibang kategorya.
Sa PEPsters’ Choice category ay nanalong Male Movie Star of the Year si Daniel Padilla habang ang ka-loveteam nitong si Kathryn Bernardo ang Female Movie Star of the Year.
Si Kathryn din ang nagwaging Female Teen Star of the Year.
Hindi si Daniel kundi si Darren Espanto ang Male Teen Star of the Year.
Newsmaker of the Year ang phenomenal AlDub loveteam nina Alden Richards at Maine Mendoza.
Sina Alden at Maine din ang tinanghal na Celebrity Pair of the Year.
Nasa Amerika si Maine at nanonood ng Coldplay concert, kaya if ever ay solo flight si Alden na tatanggap ng kanilang awards.
Favorite Wedding of the Year ang kasalang Dingdong Dantes at Marian Rivera nu’ng 2014.
Child Star of the Year si Baeby Baste ng Eat Bulaga.
Ang mga nanalo sa PEPsters’ Choice ay nagmula sa online voting sa PEP website mula
nu’ng May 25 hanggang July 8, 2016.
Sa Editors’ Choice category na pinili ng PEP staff matapos ang screenings at deliberations, magkakalaban sa TV Stars of the Year ang AlDub, KathNiel at JaDine loveteam nina James Reid at Nadine Lustre.
Nominadong Male TV Star of the Year sina Alden, Daniel, James, Coco Martin, Vic Sotto at Vice Ganda.
Sa Female TV Star of the Year, ang nominees ay sina Maine, Kathryn, Nadine, Liza Soberano, Jennylyn Mercado at Kris Aquino.
Si Maine ay palaban din sa Female Breakout Star of the Year at Female Comedy Star of the Year.
Si Coco ay nominado ring Teleserye Actor of the Year para sa Ang Probinsiyano habang si Jennylyn ay nominadong Teleserye Actress of the Year para sa My Faithful Husband.
Ang iba pang awards ay Primetime Series of the Year, Daytime Series of the Year, Male Breakout Star of the Year, Male Comedy Star of the Year, Teleserye Supporting Actor/Actress of the Year, Comedy Show of the Year, Variety/Game Show of the Year, Reality Show of the Year at Best PEPTalk episode.
Ngayong gabi pa lang ire-reveal ang winners sa Editors’ Choice.
Lahat ng mananalo ay tatanggap ng trophies mula sa PEP.