Inaasahang tatagal ng dalawang linggo ang pagkawala ni University of Santo Tomas (UST) Golden Tigresses open hitter Milena Alessandrini dahil sa kanyang partial ACL tear sa kaliwang tuhod na natamo niya nitong weekend.

Sa inilabas na paha­yag ng Varsitarian Sports, official sports page ng UST, sinabi nitong, “Filipino-Italian sophomore Milena Alessandrini will be out of action for at least two weeks after suffering a partial anterior cruciate ligament (ACL) injury, Golden Tigresses assistant head coach Yani Fernandez confirmed to the Varsitarian.”

Dahil dito, maaaring hindi na matatapos ni Alessandrini ang first round eliminations ng UAAP Season 81.

Kasalukuyang nasa 2-2 win-loss record ang koponan at susunod na makakaharap ang defending champions DLSU Lady Spikers sa Marso 6, Miyerkoles, sa FilOil Flying V Centre.