Mainit ang naging bakbakan sa UAAP season 81 women’s indoor volleyball tournament nitong weekend, pero sa kasamaang palad na-injure ang Fil-Italian spiker ng University of Santo Tomas na si Milena Alessandrini kontra sa Far Eastern University.

Matapos itakbo sa UST hospital para sa MRI examinations, naglabas si UST Golden Tigresses assistant coach Yani Fernandez ng pahayag via text message sa initial diagnosis ng voilleybelle.

“According to the resident doctor, it’s a partial ACL tear. But we will know more on Monday. Dun siya dadalawin ng ortho,” text mula kay Fernandez.

Bumuhos sa sa social media ang suporta mula sa USTe community para sa season 80 Rookie of the Year na si Alessandrini.

Umeksit siya sa laro na may 5 points kontra sa FEU Lady Tamaraws.