HINDI natuloy ang pag-inquest kay Mark Anthony Fernandez kahapon nang umaga dahil pinagbigyan ang hiling ng mga abugado ng aktor na sina Atty. Sylvia Flores at ­Atty. Marvic Alfonso.

Nakasaad sa order ng Municipal Trial Court ng Angeles City, “Just now the accused filed a Motion to Suspend Proceedings for the Purpose of Filing a Motion­ for Reconsideration on the ground that he will be filing­ a motion for the reconsideration­ of the ­Inquest Resolution, the motion is hereby GRANTED.”

Nakatakda ang susunod na hearing sa October 24 at sa November 17 nang umaga.

Nabalitaan din na­ming ililipat muna si Mark sa mas mala­king kulungan dahil ma­syadong masikip sa kanya ang kinalalagyan niya ngayon.

Sinamahan si Mark ng ina niyang si Alma Moreno na pinainom muna ng pampakalma bago ito pumunta sa kulu­ngan dahil tumataaas ang blood pressure niya.

Hindi pa rin napigilan ni Alma na umiyak nang umiyak sa sinapit ng kanyang panganay.

Bago ‘yung hearing kahapon, dumalaw si Alma sa kulungan kamaka­lawa nang gabi kung saan nagtagal siya roon nang halos dalawang oras.

Ang pagkakaalam namin, hindi na muna bu­malik ng Maynila si Alma.

Nag-stay siya sa isang hotel malapit sa presinto para madalaw-dalaw niya si Mark,

Ang pagkakaalam pa namin, dadalaw nga­yong araw si Lorna­ ­Tolentino at Ralph ­Fernandez.

Halatang apektado ang magkapatid na Ralph at Renz sa nangyari sa kanilang kuya.

Nababagbag kami sa mga ipinu-post nilang mga litrato sa social media noong bata pa sila­ at kasama ang ­Papa Rudy ‘Daboy’ ­Fernandez nila.