Alyssa, Customs winalis ng BaliPure

C C
Si Alyssa Valdez nang tumabo ng career-­high 39 points para ­giyahan ang Bureau of Customs sa 18-25, 27-25, 21-25, 25-21, 15-9 panalo laban sa Laoag sa Shakey’s V-League Reinforced Conference. (Patrick Adalin)

Hindi umubra si Alyssa Valdez sa dati niyang team.

Hindi nagawang iligtas ni Valdez ang Bureau of Customs sa walis ng BaliPure 26-24, 25-21, 25-21­ sa Shakey’s V-League Season 13 Reinforced Conference­ kagabi sa PhilSports Arena.

Kumayod si import Katherine Morrell ng 17 points kasama ang dalawang service aces, nag-ambag­ ng tig-10 markers sina Angeline Gervacio at Amy Ahomiro at nilista ng Water Defenders ang unang­ panalo sa dalawang laro.

Nakabangon ang dating team ni Valdez mula sa four-set loss sa UST.

Kumana sina Valdez at import Kanjana Kuthaisong­ ng tig-16 puntos para sa Transformers na nadungisan sa 2-1.

Hindi nakasagot ng kahit isang set ang Customs kahit nakipagsabayan sa laro.

Ayon kay BaliPure veteran Charo Soriano, pinaghandaan nila ang dati nilang teammate na si Valdez kaya siya ang puntirya ng koponan.

“We really worked on our defense,” ani Soriano. “If we can stop Alyssa then it’s gonna be easier for us to get the win.”

Ngayon lang nakasama ng Transformers ang kanilang Thai reinforcements kaya nagkapaan pa sila ng laro.

Samantala, nagwagi ang Laoag laban sa Air Force 20-25, 26-24, 25-21, 26-24 sa unang laro. Kasalo­ ng Power Smashers ang Transformers sa second, lagapak­ sa 1-2 ang Lady Jet Spikers.