Mga laro ngayon (The Arena, San Juan)
10:00 a.m. — San Beda vs. NCBA (S Turf)
12:00 noon — Perpetual vs. NU (S Turf)
4:00 p.m. — FEU vs. San Sebastian (V-League)
6:00 p.m. — Ateneo vs. UP (V-League)
Balyahan ang apat na teams para palakasin ang tsansa sa semifinals ng Shakey’s V-League Season 13 Collegiate Conference sa The Arena sa San Juan mamaya.
Lalagutin ng FEU at San Sebastian ang pagkakabuhol sa 2-1 sa unang laro, laglagan din ang parehong 1-1 na Ateneo at UP sa main game.
Kasama ng nangungunang NU (3-1), nag-aagawan ang limang teams sa top four may tatlong playdates pang natitira sa quarterfinals ng midseason conference ng liga na hatid ng Shakey’s at suportado ng Mikasa at Accel.
Muling pangungunahan ni Grethcel Soltones ang atake ng Lady Stags. Galing sa trangkaso si Soltones pero nagpakawala pa rin ng 23 hits nang sipain ng Baste sa kontensiyon ang UST Tigresses noong Miyerkules.
Ibabawi nina veterans Toni Rose Basas, Remy Joy Palma at Bernadeth Pons ang FEU sa natikmang unang talo sa NU.