Umapela ang Laguna local government unit (LGU) sa pagkakasama nito sa listahan ng mga lugar na sasailalim sa modified enhanced community quarantine (MECQ) ngayong umiiral ang COVID-19 pandemic.
Ayon kay Dr. Eduardo Janairo, Department of Health Region IV-A director irerekomenda nito na tanging ilang bahagi lang ng lalawigan ang ilagay sa ilalim ng MECQ.
Aniya, karamihan sa mga kaso ng COVID-19 sa Laguna may matatagpuan sa una at pangalawang distrito nito, habang ang ikatlo at ikaapat naman ay maaari nang ikonsidera bilang low-risk area.
Bukod sa Laguna, sinailalim rin sa MECQ ang National Capital Region at Cebu City, na magsisimula sa Mayo 16 hanggang 31.