Tinanghal na Best Libero si Kathleen Arado kahit kinapos ang Philippine team sa katatapos na 19th Princess Cup Southeast Asian Women’s Under-19 Championship sa Sisaket, Thailand.
Hindi nakasampa sa podium ang Filipinas matapos matalo sa Indonesia 12-25, 21-25, 17-25, sa battle for third.
Sa walong kalahok sa event, lumanding lang sa No. 4 ang PHL team na binubuo ng best 19-and-under players sa pangunguna ni National U setter Jasmine Nabor.
Pinuri pa rin ni PHL team manager Peter Cayco ang Pinays dahil nakaabot sila sa semifinals at nakapag-uwi pa ng individual award ang University of the East star na si Arado.
“It’s not that bad finishing in the upper half of the standings considering that this is a young team and we have little time to prepare,” ani Cayco.