Hindi na mangyayari ang sinapit ni Manny Pacquiao kay Jeff Horn noong isang taon sa Brisbane, Australia.
Ito ang tinitiyak ng kampo ng eight-division champion halos anim na linggo na lang bago ang July 15 tussle kontra WBA welterweight champion Lucas Matthysse ng Argentina sa Axiata Arena-Kuala Lumpur, Malaysia.
Ayon sa chief trainer ng 39-anyos na ring legend na si Buboy Fernandez, binubuo na nila ang fight plan o istratehiya upang maiwasan ang kabiguang nalasap ni Pacquiao kontra Horn noong Hulyo 2017 nang maagaw ang kanyang WBO 147-pound belt.
Sa kasalukuyan, lampas na sa isang dosenang rounds ng sparring ang naililista ni Pacquiao kontra Australian George Kambosos.
“This camp is more like six to seven weeks max of intense training. Four weeks of sparring and then the last three weeks will be like warming up and running,” ayon kay strength and conditioning coach Justin Fortune sa interbyu ng Philipine Star.