Arnel, nanggulat sa mga ospital

SUMAGLIT si ­Arnel ­Ignacio sa studio ng DZRH para maki-celebrate sa 77th anniversary ng radio station.

Nagmamadali si Arnel dahil magkakasunod ang meetings niya sa ilang ospital.

“Nagugulat sila sa akin pag pumupunta ako sa ilang hospital. Kagaya sa National Children’s Hospital, nagugulat sila sa akin pagdating ko.

“Kasi, tinatanong nila sa akin kung ano ang maipaglilingkod nila sa akin.

“Sabi ko sa kanila, hindi po ako. Ang tanong ko, ano ang maipagli­lingkod ko sa inyo,” simu­lang kuwento ng comedian/TV host at AVP sa Community ­Relation and ­Services ­Deparment ng PAGCOR.

Hindi sila nasasanay na si Arnel mismo ang ­pumupunta sa kanila para ipaabot ang tulong ng PAGCOR.

Magkakasunod ang meetings niya at tinitiyak niyang makara­ting sa lahat ang tulong mula sa PAGCOR.

“Ang daming tumatawag sa akin pero ­hindi naman ganu’n ­kadali, eh. Basta ang sa akin, kaila­ngang ­makarating sa mga dapat tulu­ngan ang ­pondo mula sa ­PAGCOR,” pa­tuloy na pahayag ni Arnel.

Ang laki ng ipinagbago niya magmula nang ibinigay sa kanya ni Pres. Rodrigo Duterte ang naturang posisyon.

“Ang bilis ng mga pangyayari. Ang laki ng binago sa buhay ko,” ­natatawang pahayag ni Arnel.

Ang isa sa ikina­loka niya, lalong dumami ang mga kaibigan niyang nagtatawagan para humi­ngi ng tulong.

Tanggap niyang ganu’n talaga ang buhay. Alam niyang kung may mapapakinaba­ngan sa‘yo, dumarami ang mga kaibigan mo.