Binutata ng Adamson ang tsansa ng Ateneo sa dalawang titulo nang ungusan ang Passerelle rival 69-67 para umabante sa finals sa Xavier School gym nitong weekend.
Sa Small Basketeers Philippines title ng Best Center twin-basketball tournament na lang lalaban ang Ateneo.
Hahamunin ng Adamson ang La Salle Greenhills-A na nakatakas din sa San Beda College-Rizal 58-55 sa isa pang Passerelle semifinal pairing. Ala-1:30 ng hapon sa Linggo magbabakbakan ang dalawa sa Jacinto Tiu competition court sa Xavier School din.
Tinalo ng Ateneo ang SBC-Rizal 74-49 para harapin ang LSGH-A para sa SBP crown ng torneo na inisponsoran ng Milo at suportado ng Chris Sports at Rain or Shine. Kinalos ng LSGH-A ang Xavier-A 67-40.