May hirit ngayon si tennis star Roger Federer.
Ito ay ang pagsasanib na men’s at women’s tennis organization – Asociation of Tennis Professionals (ATP) at Women’s Tennis Association (WTA).
Sa kanyang twitter account (@rogerfederer), inihayag ng 38-anyos, may taas na 6-1 at Swiss netter, na noon pa dapat nagkaisa sa isang tennis ruling body ang dalawang professional tennis tours. Kaya panahon na para pag-isahin ito ngayon.
“It probably should have happened a long time ago, but maybe now is really the time. These are tough times in every sport and we can come out of this with two weakened bodies or one stronger body,” aniya.
Kasabay nito nilinaw ng sport icon na hindi niya nais na pag-isahin ang kumpetisyon kundi dapat ay iisa na lang ang mamumuno.
“I am not talking about merging competition on the court, but merging the two governing bodies (ATP and WTA) that oversee the men’s and women’s professional tours,” hirit ng tenista.
Nakahanap naman ng kakampi si Federer dahil pumabor agad sina Australian star Nick Kyrgios at two-time women’s Grand Slam champion Simona Halep ng Romania. (Aivan Episcope)