Kumalas ang defending champion San Beda College sa second quarter para sakmalin ang runner-up nilang Arellano University, 95-70, kahapon sa 93rd NCAA basketball tournament sa FilOil Flying V Center sa San Juan.

May kartang 8-1 ang Red Lions pagkatapos ng first round eliminations, solo sa second spot sa likod ng mag-isa sa unahan na Lyceum na undefeated sa nine games.

Tumikada sina Robert Bolick at Javee Mocon ng 23 at 19 points para sa Mendiola-based squad na nilista ang seven-game winning streak.

“We’re happy that we got this win to finish this round with just one loss,” saad ni San Beda head coach Boyet Fernandez.

Bumira naman si Kent Salado ng 26 markers para sa Chiefs na nalaglag sa 3-6 karta.

Nasa ibabaw ang Red Lions, 28-27, sa kalagitnaan ng second period, pinamunuan nina Bolick at Mocon ang 20-3 run para kumalas 48-30 sa halftime.

“I really appreciate the way my players have been preparing. It has been really physical but it helped us a lot. We’re happy we got this win. Robert is back and JV has been consistent,” dagdag ni Fernandez.

Hindi na lumingon ang San Beda sa second half.

Sa first game, matamlay ang laro ni gunner Teytey Teodoro pero nakahanap ang JRU ng tagasalba kay rookie-transferee Aaron Bordon nang itumba ng Heavy Bombers ang Mapua, 68-59.

Nagpasabog ng career-high 23 points si Bordon para giyahan ang Bombers sa fourth straight win at 6-3 sa kabuuan. Bago ang laro ay nag-a-average lang ang 23-anyos na recruit mula Cavite State U ng 5.5 points.

Nadiyeta si Teodoro sa seven points, halos kalahati ng average na 13.9 per outing.