Hindi napigilan ni Senador Leila De Lima ang masambit ang katagang “Jesus Christ” kasunod ng panibagong pagdidiin sa kanya sa illega­l drug trade partikular ang bank account na umano’y pinadedeposituhan sa dalawang emple­yado ng Department of Justice (DOJ).

Giit ng senadora, panibagong imbento na naman ito upang pilit siyang idiin.

“Parang pinapaamin kanila na meron daw silang account na may deposit of certain millions. Parang pinapaamin din sa kanila na ako ang nagpabukas para don daw ipadaan ‘yung mga nanggaling sa drug lords, drug convicts, Jesus Christ!” sambit pa ni De Lima.

Kasama na naman umano sa psy war. “I think kasama na naman ‘yan sa psy war nila, kasama sa pinaggagawa sa akin,” dagdag pa ng senadora.

Tinawag din nitong “entire fabrication” ang sinasabing bank accounts dahil wala umano siyang inutusan na magbukas ng bank account para sa kanya para ideposito ang pera mula sa drug lords.

Paniwala ni De Lima na nagpapanik na ang mga naninira sa kanya dahil wala namang maipaki­ta katibayan kaya’t nag-iimbento na lamang.

“Nagpa-panic na sila­. They know they have nothing, so ngayon binibilisan na nila ang pag-fabricate, pag-manufacture ng mga so-called evi­dence. Grabe na ito,” giit pa ni De Lima.

Dahil na rin dito­, may banta ng senador­a na kapag hindi tinigi­lan ang pag-imbento ng mga walang katotohanang alegasyon ay mapipilitan siyang panagutin ang mga ito sa mga darating na panahon.

“Kung ganyan pa rin ang gagawin, then pananagutin ko sila in some future time,” banta ni De Lima.

Kasabay na rin dit­o ang apela niya mismo sa DOJ at National Bureau of Investigation na huwag magpagamit sa paninira laban sa kanya.

“Alam ko naman matitino kayong official. Huwag na kayong ma­ging party to any perjury or to subordination of perjury,” ayon kay De Lima.

Ngunit giit naman ni Aquirre, hindi pinilit ang dalawang empleyado ng DOJ.

Sa isang ambush interview matapos duma­lo sa budget hearing, nilinaw ng kalihim na walang pumilit sa dala­wang empleyado ng DOJ sa halip boluntar­yong itong ginawa.

“Walang pumilit sa kanila, voluntary,” ayon kay Aquirre.

Handa umano ang da­lawang empleyado na magpasailalim sa lie detector test upang patunayan ang kanilang elegasyon.

Tinukoy ng kalihim ang isang empleyado sa pangalang Jonathan ‘Jhong’ Caranto kung saan batay umano sa ginawa nitong affidavit ay sinabing inutusan sila ni De Lima na ideposito ang milyon-milyong halaga sa bank account ni Ronnie Dayan na sinasabing bagman ng senadora at kanya ring dating driver.

“Binibigyan daw siy­a ng pera ni De Lima para i-deposit din sa account ni Da­yan,” ayon pa kay Aquirre.

Bukod kay Caranto, isa pang nagngangalang Edna ‘Bogs’ Obuyes ang nagbigay na rin ng affidavit. Dagdag pa ni Aquirre, tuloy pa umano ang kanilang imbestigasyon partikular na ang pagbubusisi sa pagkakadawit ng senadora sa drug trade.