Patay ang isang barangay chairman nang matagpuan sa loob ng sasakyan nito na tadtad ng tama ng bala sa katawan kahapon ng madaling-araw sa San Mateo, Rizal.
Hinihinalang sinalvage ang biktima na nakilalang si Reynaldo Jacaban, nasa hustong gulang, barangay chairman, ng no. 736 Zone-80, Paco, Maynila.
Sa inisyal na imbestigasyon ni PO2 Rene Louie San Diego, ala-una nang madaling-araw nang makatanggap sila ng tawag sa telepono mula sa “Eagle Base” na may bangkay ng lalaki na natagpuan sa loob ng sasakyan nito na nakaparada sa Abuab St., Brgy. Guitnang Bayan-2, ng nabanggit na bayan.