Tinambakan ng San Miguel Beer ang Ginebra 101-72 kagabi sa Smart Araneta Coliseum para makapuwersa ng decider sa kanilang PBA Governors Cup semifinal duel.

Salitan sina Marcio Lassiter at June Mar Fajardo sa pasabog sa second quarter na pinuhunan ng Beermen para lumayo ng milya-milya, umabot sa 33 sa third.

Nakabawi ang SMB mula sa ga-buhok na 97-96 loss noong Biyernes para ihulma ang winner-take-all bukas sa Big Dome din.

“I’m so thankful we were able to even the series,” bulalas ni Beermen coach Leo Austria.

“We’re playing hard maybe because everybody wants to win.”

Tumapos si Lassiter ng 25 points sa likod ng 7 for 9 shooting mula 3-point range, may 17 points at 16 rebounds si Fajardo. Umayuda ng tig-13 sina starters Elijah Millsap, Alex Cabagnot at Arwind Santos.

Umiskor si Justin Brownlee ng 28 at nagdagdag si LA Tenorio ng 17, pero wala nang napigang iba si coach Tim Cone sa kanyang Gin Kings na walang naisagot sa maya’t mayang run ng Beermen sa harap ng 22,196 fans sa Big Dome.

“We knew it was gonna be an uphill battle for us and we feel fortunate we’re playing in a Game 5,” wika ni Cone. “A 30-point loss is the same as a one-point loss in a series so we’re gonna take it for what it was and look forward to Tuesday.