Bitbit nina Carlo Biado at Chezka Centeno ang bandera ng Pilipinas sa pakikipagsarguhan sa 10th World Games sa Stadion Miejski sa Wroclaw, Poland mula July 20-30.
Lumisan nitong Sabado ng umaga ang 34-anyos na World Pool Association No. 15 na si Biado at ang 18-anyos na dating world junior champion na si Centeno para pangunahan ang four-man delegation ng bansa sa quadrennial sports extravaganza.
Ang dalawa pang pambato ng mga Pinoy ay sina muaythai artist Philip Delarmino at compound archer Ma. Amaya Amparo Paz-Cojuangco.
“We’re hoping for any color of medals,” sabi kahapon ni Billiard Sports Council of the Philippines secretary general Robert Mananquil sa dalawa nilang bets.
Ang event ay magiging tuneup na rin ng players para sa 29th Southeast Asian Games sa Kuala Lumpur, Malaysia sa Aug. 19-30.
Sasabak na bukas, Miyerkules, sina Biado at Centeno sa matira-matibay na knockout eliminations.