Elech Dawa
Semplang si 2018 World 9-Ball runner-up Carlo Biado sa No. 4 sa yearend World Pool Association rankings matapos mabigong madepensahan ang 27th World Pool-Billiard Association, World 9-Ball Men’s Championship nito lang Disyembre sa Doha, Qatar.
Nakalikom si Biado ng 14,912 points sa 2018, tangan ni Alexander Kazakis ng Greece ang top spot kasama ang 17,099 points.
Nakatambay sa third ang German na si Joshua Filler na may 16,762 puntos habang nasa pangatlo si Niels Feijen ng Netherlands (15,100 pts.).
Hindi nakaarangkada si Biado matapos yumuko kay Filler, 10-13 sa finals ng World 9-Ball Men’s Championship.
Wala nang iba pang Pinoy cue artists ang nakasampa sa Top 20 ng World Rankings.
Nakaupo naman sa No. 6 sa WPA Rankings sa women’s side si former champion Rubilen Amit ng Pilipinas, nakapagtala ng 9,510 points nang tumersera rin sa buwang ito ng WPA World Women’s 9Ball Women’s Championship sa China.