Dear Sir:
Inaabangan ang nalalapit na bilateral talks nina US President Barrack Obama at Pangulong Rodrigo Duterte na nakatakda sa ika-6 ng Setyembre sa gaganapin na Association of Southeast Nation (ASEAN) summit sa Vientiane Laos
Pag-uusapan ang mga pahayag ni Pangulong Duterte simula ng maluklok siya bilang Presidente kaugnay ng samu’t saring mga isyu at suliranin.
Ayon kay White House Deputy National Adviser Ben Rhodes na madalas umano magkita ang ang mga magkakaalyado na bansa upang talakayin ang iba’t ibang usapin kabilang ang kasanayang pantao o deragatoryang komento.
Ayon naman kay Pangulong Duterte handa siyang makipagpulong kay Obama kahit na patungkol sa isyu ng human rights basta aniya hayaan muna siyang magsalita sa kung ano ang problema ng bansa bago siya kuwestyunin kaugnay sa human rights.
Ito ay matapos magpahayag ang Washington ng pag-alala dahil sa magkakasunod na pagpatay sa mga sangkot sa iligal na droga.
Sana ay higit na talakayin ang isyu na kaugnay sa West Philippine Sea kaysa sa isyu na patungkol sa human rights. Karamihan sa mga nasasangkot sa drug trade, pagpupuslit at paggawa ng droga ay mga Chinese.
Nasakop na nila ang Pilipinas sa pagpapalaganap ng mga iligal na droga. Nawa’y mabigyan rin ng sapat na atensyon ang pagtatanggol sa ating nasasakupang teritoryo.
Huwag naman sanang dumating sa pagkakataon na literal na masakop ng China ang Pilipinas hindi lang sa droga pati na rin sa sarili nitong teritoryo.
— Ivan R. Sigua
Bataan