Diretsahang kinontra ni PNP chief Director General Ronald ‘Bato’ dela Rosa ang pahayag ng Amnesty International (AI) na binabayaran ng P15,000 ang mga pulis na makakapatay ng sangkot sa iligal na droga.
Ayon kay Dela Rosa, walang katotohanan ang nasabing alegasyon na pinopondohan nila ang kanilang mga tauhan kapalit ng bawat mapapatay na sangkot sa droga na bahagi ng giyera sa illegal drugs.
Iginiit ni Dela Rosa na imposible ang nasabing pahayag dahil walang pondo ang PNP at wala silang pambayad sa mga pulis bilang karagdagang benepisyo kapag mayroong napapatay na drug suspects.
Hinamon ni Dela Rosa ang mga kritiko na lumantad at ilabas ang kanilang ebidensya para maaksyunan nang maayos ang kanilang reklamo.
Napag-alaman sa inilabas na imbestigasyon ng AI, sinabi na “If you are poor you are killed: Extrajudicial Executions in the Philippines’ War on Drugs”.
Samantala, kinikilala naman ng Malacañang ang pahayag ni UN Special Rapporteur Agnes Callamard na natuwa sa pansamantalang paghinto ng PNP sa operasyon kontra iligal na droga.
Gayunman binigyang-diin Presidential Spokesman Ernesto Abella na ang giyera kontra iligal na droga kagaya ng pahayag ni Pangulong Rodrigo Duterte ay magpapatuloy hanggang sa huling araw ng kanyang termino.
“The State does not condone extrajudicial killings perpetrated by common criminals which have been wrongly attributed in some unvetted reports as part of police ops,”dagdag nito.
Sinungaling ka Gen ka pa nman. May kamag-anak akong pulis at kumpare, ng malasing inilabas lahat. Tsk, tsk, tsk
Totoo lahat ang sinasabi ng international amnesty kitang kita nmn puro duwag nga lang ang mga pilipino yan ang tunay
Mayroon ngang nakuhanan ng video na nagtatanim ng ebidensiya ang mga pulis. May video na pero ikinakaila pa rin? Mayroon na rin lumantad na testigo na sila ay binabayaran para pumatay. Mayroon na rin mga testigo na nagsabing 5k ang binabayad sa mga nahuhuli ng buhay at 15k naman sa mga patay. Ang nakapagtataka pa, bakit hindi paghuhulihin at kasuhan ng pamahalaan ang mga sinasabing narco politician na nasa matrix daw ni Duterte? Ano ang pumipigil sa kapulisan para paghuhulihin ang mga ito kung tutoo ang sinasabi nilang 4 na beses na na validate ang matrix? Dahil ba sa sila ay naka sapatos at hindi naka tsinelas? Kung talagang seryoso kayo sa kampanya laban sa illegal na droga, hulihin lahat ang mga nasa matrix at kasuhan para makulong at matanggal sa pwesto.
Walang Pondo kaso may mga milyon bonus kayo na mga may STAR sa balikat. Kung di pa lumabas sa news ay siguradong kukunin ninyo iyan pera. Madali kayongpumatay ng pang karaniwan tao parang langaw lang. Gawin ninyo iyan sa mga tiwaling pulis. di iyun puro satsat na papatayin ninyo. Gawa at di ngawa…
Gen. Bato yang mga tiwaling pulis wag niyo lang alisin sa pagiging pulis, kasuhan niyo,ipakulong para walang makuhang pera sa gobyerno di sapat na itapon sila sa mindanao iikulong sila at kung maaprubahan ang Bitay sila unang bitayin para tumino ang mga pulis na killers.Paano ngayong binuwag na ang anti illegal drug group? mag bubunyi at dating gawi na naman ang mga drug addicts at drug lords sa pagpapalaganap ng ilegal na droga! paano ang mga narco politics? mga kapitan ng barangay di tuwang tuwa sila? malabong magampanan ng PDEA ang inatas sa kanila na pumalit sa pulis sa anti illegal drug operation kasi kokonti lang sila at walang pondo pero nasan lahat ang mga shabu na nahuli? dapat sunugin na to sa harap ng mga judges ng korte suprema baka ma recycle lang ang mga shabu na nabubulok sa ibat-ibang tanggapan ng PNp at Pdea.