Bloody “Tokhang”

Nasawi ang isang hinihinalang drug pusher sa isinagawang “Ope­ration Tokhang” ng Manila Police District (MPD)-Police Station 2, kamakalawa ng gabi sa Vitas Tondo, Maynila.

Kinilala ang biktimang si John Mark Mendoza, alyas ‘Buwang at Jon Toyo’, 35, taga-Bldg. 30 Tem­porary Housing Aroma Compound, Vitas Tondo, Maynila.

Ayon sa imbestigas­yon ni PO2 Ryan Balagtas ng MPD-homicide section, nagsasagawa umano ng Operation Tokhang ang mga operatiba ng MPD-Police Station 1 nang makita sila ng suspek na kaagad bumunot ng baril at pinaputukan ang mga awtoridad.

Gumanti ng mga pu­tok ang mga operatiba na nagresulta ng agaran niyang kamatayan na rekober sa biktima ang isang .38 kalibreng baril at apat na sachet ng shabu.