Resbak ang hanap ng BaliPure Purest Water Defenders tapos ang kanilang winless stint (0-10) sa 3rd Premier Volleyball League 2019 Reinforced Conference 2019 nitong Mayo 26-Hulyo 14.
Sa 3rd PVL Open Conference 2019 na magbubukas sa Linggo, Agosto 11, ‘di na papayag ang Water Defenders na maging kulelat laban sa walo pang koponang sasabak sa paliga ng Sports Vision Management Group, Inc.
Pangunahing spiker ng BaliPure si veteran hitter Grazielle Bombita kaya asahan na sasandal muli sa kanya ang koponan na mamanduhan ni coach Rommel Abella.
Pero bukod kay Bombita, kailangang mag-step up sina setter Vira Guillema, middle spikers Sandy Delos Santos at Satriani Espiritu at libero Jewelle Bermillo.
Magpapakitang gilas ang panig ng BaliPure sa midseason conference sa darating na Agosto 17, Sabado kontra sa Reinforced champion PetroGazz Angels. (Janiel Abby Toralba)