Hinugot ng BaliPure si Thai veteran Jeng Bualee para tulungan sila sa kampanya sa Premier Volleyball League na papalo bukas sa The Arena sa San Juan.

Muling makakasama ni high-scoring spiker Bualee si head coach Roger Gorayeb. Dating import ng San Sebastian College ang Thai.

Huling naglaro si Bualee, 33, sa Shakey’s V-League Season 10 First Conference nang maging reinforcement siya ng Ateneo, nakasama niya sa team sina Rachel Anne Daquis, Alyssa Valdez at Fille Cainglet-Cayetano.

May isang titulo si Bualee, anim na Best Scorer awards, tigalawang conference MVPs, Finals MVP, Best Attacker at Best Digger.

Kasamang import ni Bualee sa BaliPure si ­American middle blocker Jennifer Keddy, naglaro sa club team Kralovo Pole BRNO sa Confederation of European Volleyball Challenge Cup.

Locals ni Gorayeb sina Risa Sato, Jasmine Nabor, Aiko Urdas at Jorelle Singh ng National U, at sina three-time NCAA MVP Grethcel Saltones at Alyssa Eroa ng Lady Stags.

Haharapin ng BaliPure ang Air Force sa opener.