Budget para sa produktong ‘Tatak Pinoy’ bumuhos

Tiniyak ni Senador Sonny Angara na sapat ang pondo ng pamahalaan upang mas lalo pang mapaganda ang kalidad ng produkto at serbisyong pinapadala sa ibang bansa.

Ayon kay ­Angara, chairperson ng ­Senate finance ­committee, ang Department of Trade and ­Industry (DTI) ay nadagdagan ang ­pondo sa 2020 ­national ­budget para ­paigtiingin ang “Tatak Pinoy” ­program na ­nagpo-promote ng mga lokal na produkto sa ­global market.

Mula sa kabuuhang P6.1 bilyon noong 2019, umakyat ito sa P7.98 bil­yon ngayong 2020.

“We cannot be ­contented with what we have and what we have already achieved. Our growth has been fueled by consumption and if we are to progress to the next level, we must work on making a shift from a consuming ­society to a producing society,” sabi ni Angara.

Bukod doon, dinag­dagan din ang ­pondo para sa pagtatayo ng marami pang ­Negosyo Center sa bansa sa ­tu­long ng MSME o ­micro, small and ­medium enterprises.

Ang Negosyo Center ang tumutulong sa pagsasaayos ng business regis­tration ng MSMEs at binibigyan din ng mentoring at ­advisory services para ­madaling magkaroon ng access sa iba’t ibang ­credit at ­financing source, ­gayundin sa mga ­supplier at buyer. (Dindo Matining)