Bulacan pusher nalambat

Isang drug pusher ang nadakip ng Balagtas Police at nakumpiskahan ng shabu, marijuana at isang improvised shotgun sa isinagawang buy-bust ope­ration sa Bulacan kamakalawa.

Kinilala ni P/Chief Inspector Napoleon Cruz, Balagtas police chief, ang naarestong si Ronnel Batusin y Espiritu alyas Bunso at residente ng Brgy. Borol 1st, Balagtas na nakadetine ngayon at nahaharap sa kasong paglabag sa RA 9165 at RA 10591 matapos makumpiskahan ng tatlong sachet ng shabu, isang pakete ng marijuana at sumpak na may tatlong bala.

Dakong alas-11:00 ng umaga nang magsagawa ng operasyon ang Balagtas-PNP makaraang ang isang linggong surveillance operation kung saan hindi na nakapalag ang suspek na si Batusin.

Tagged

Bulacan pusher nalambat

Isang drug pusher na kabilang sa listahan ng Barangay Anti-Drug Abuse Council (BADAC) ang nadakip makaraang kumagat sa inilatag na buy-bust operation at makumpiskahan ng siyam na pakete ng shabu sa Bulacan kamakalawa.

Kinilala ng pulisya ang naarestong suspek na si Gerardo Pila, 49, may-asawa ng Dona Josefina Village, Brgy. Malhacan, Meycauayan City na nakadetine ngayon at nahaharap sa kasong paglabag sa RA 9165.

Dakong alas-10:00 ng gabi nang lusubin ng Meycauayan City PNP ang suspek na si Pila sa nasabing Village, akmang manlalaban sana ito nang tanggapin ang marked money at makahalatang pulis ang katransaksyon subalit ‘di na nakaporma kaya’t agad na nadakip.

Nakumpirmang matagal nang inirereklamo ang suspek na si Pila sa kanilang lugar dahil sa lantarang pagbebenta ng shabu at kabilang din ito sa listahan ng BADAC sa siyudad.

Tagged