Let’s do “fast facts” sa issue ng pre-employment medical examination na required sa aspiring overseas Filipino workers (OFWs). Let’s do it by the numbers for easy reference.

Una, required na pumasa ang aplikante sa medi­cal exam para masiguro na fit siya physically at emotionally sa trabahong papasukin. Wala ‘yang pinagkaiba sa local employment.

Ikalawa, in most cases nire-require na mag-medical exam ang aplikante na pumirma na ng work contract o binigyan na ng job offer.

Ikatlo, ang aplikante ang karaniwang nagso-shoulder ng medical test expenses o fees pero kung may repeat test dahil na-delay ang deployment ay sagot na ito ng employer.

Ikaapat, three months lang ang validity ng medi­cal test kung kaya may repeat test kapag nade-­delay ang deployment.

Ikalima, may instances din na upon arrival sa job site ay pinagme-medical test uli ang aplikante kung may borderline result o duda sa resulta.

Cartel

 Bago natin ituloy ang ating by-the-numbers, hindi kumpleto ang discussion sa medical tests kung hindi natin babanggitin ang mala-cartel na operasyon ng ilang medical clinics na in-charge sa medical tests ng applicants sa Gulf o Middle East countries.

Idineklara na ng korte, ng Senado at ng House of Representatives at maging ng Department of Health na labag sa batas ng Pilipinas ang operasyon ng nasabing cartel.

Eh pero since beggars cannot be choosers, ang ­gusto ng employers sa mga Middle East countries ang nasusunod. Either magpa-medical ka sa accredited clinics nila o hindi ka made-deploy. It’s as simple as that.

Anyway, on with our “fast facts”:

Ikaanim, kasama sa medical exam ang urine, fecal, at blood tests, gayundin ang physical checking ng ngipin at iba pang bahagi ng katawan. May X-ray din at tests for sexually transmitted diseases especially sa Gulf countries.

Ikapito, may psychological test din na ­written at verbal upang makita ang mental fitness ng ­aplikante. Wala naman kasi gusto mag-empleyo ng may sapak o emotionally distressed ‘di ba?

Ikawalo, iba-iba ang medical tests per country at rough guide lang ang ating ibinahagi sa taas. Sa Gulf countries, rason na para ma-deny ang pagkakaroon ng scar sa lungs kahit ito ay bunsod ng TB na nagamot na.

Ikasiyam, unfit to work din ang may congestive heart failure incidents, untreated hypertension, diabetes at iba pang serious ailments.

Ikasampu, go clip this article for easy future reference and don’t forget to follow me on Twitter @beeslist or call 551-5163 or email usapang_ofw@yahoo.com.