Nagdaos ng special cabinet meeting si Pangulong Rodrigo Duterte kahapon matapos ang deklarasyon ng Martial Law sa Mindanao kasunod ng paglusob ng teroristang grupong Maute sa Marawi City.
Pinangunahan ng Pangulo ang special cabinet meeting na idinaos sa Presidential Guest House sa Panacan, Davao City.
Kabilang sa mga dumalo sa special cabinet meeting ay sina Executive Secretary Salvador Medialdea, Finance Secretary Carlos Dominguez, Budget Secretary Benjamin Diokno, Socioeconomic Planning Secretary Ernesto Pernia, at Presidential Communications Secretary Martin Andanar.
Dumalo rin sina Presidential Spokesperson Ernesto Abella, Solicitor General Jose Calida, Public Works and Highways Secretary Mark Villar, Labor Secretary Silvestre Bello III, Presidential Adviser on the Peace Process Jesus Dureza, Environment Secretary Roy Cimatu.
Present din ang dalawang lider ng Kongreso na sina House Speaker Pantaleon Alvarez at Senate President Aquilino Pimentel III gayundin sina Justice Secretary Vitaliano Aguirre II, Defense Secretary Delfin Lorenzana, Acting Interior and Local Government Secretary Catalino Cuy.
Kasama rin sina National Security Adviser Hermogenes Esperon Jr., Mindanao Development Authority Secretary Datu Abul Khayr Alonto, Armed Forces of the Philippines (AFP) Chief of Staff Lt. Gen. Eduardo Año, Philippine National Police Director General Ronald dela Rosa at Special Assistant to the President Christopher Lawrence Go.
Wala pang inilalabas na detalye ang Palasyo ng Malacañang patungkol sa mga naging paksa sa special cabinet meeting.