Buhat sa malaking panalo, dalawang sabong champions ang liyamado sa “Riper Big Event 6-Cock Derby” ng Pasay City Cockpit sa Biyernes na may 120 mga sultada.

Tatrangko sina Atty. Amante Capuchino, co-titlist sa 2019 World Pitmasters Cup 220 K Big Event, at Raffy Zaide, solong kampeon sa 2019 NCA World Championship 9-Cock Derby, sa derbing ito na mga itataguyod ng Sagupaan Superfeeds at Complexor 3000.

Ikaapat na ang okasyong ito sa Big Event derbies ng Pasay Cockpit para sa 2019 matapos ilarga ang 171, 132 at 95 sultada sa huling tatlong mga sagupaan.

May suporta rito dito si host Richard Perez ng Riper Sinag group, at mula kina dating Gov. Ito Ynares at Firefly 13.

Sunod naman ang “2019 Luzon Gamecock Breeders Association (LGBA) Cocker of the Year” series second round elims 7-bullstag derby sa PCC sa Lunes, Mar. 18.

Umiskor ng tatlong panalo sina Jimmy Junsay/Dennis Reyes ng Sto. Nino Guadalupe Jared, Carlos Tumpalan ng Red Bull Uno, Aristotle Aguirre ng Lightning Blade Alexa at Larry Villacorte ng HCV Balasing Negro sa Round 1 noong Lunes.

Sa ibang detalye, tawagan sina Erica at Ace sa 0945-491-7474, 0939-472-4206, 843-1746 at 816-6750.