Ceasefire ni Duterte, ibinasura ng NPA

CPP-NPA

Ibinasura ng Communist Party of the Philippines-New People’s Army (CPP-NPA) ang pagpipilit ni ­Pangulong Rodrigo Duterte na lumagda muna ang mga rebelde sa isang ceasefire deal bago ang resumption ng naunsyaming peace talks.

Nagbanta rin ang Presidente na maglulunsad ito ng opensiba laban sa NPA — kung magmamatigas ang rebeldeng grupo kontra ceasefire agreement — kapag natapos na ang krisis sa Marawi kung saan ay libu-libong sundalo ang nakikipaglaban sa lokal na ISIS militants mula pa noong Mayo 23.

Inakusan ng CPP at ng political wing nito ang National Democratic Front of the Philippines si Duterte na umano’y tumalikod sa kanyang pangako na palalayain ang lahat ng halos 500 political prisoners sa bansa at bigyan sila ng amnestiya.