Cellphone vendors sa bangketa target buwagin

Uumpisahan na ng pa­munuan ng ­Quezon City Police District (QCPD) ang pagmamanman sa mga vendors sa bangketa na nagbebenta ng mga nakaw na cellphone na nagiging ugat umano ng snatching, pangdurukot at panghoholdap sa mga inosenteng sibilyan sa lungsod.

Aksyon ito ng QCPD, makaraang ­mapatunayan ang talamak na ­bentahan ng cellphone na pinanini­walaang mga galing sa nakaw sa isang lugar sa Batasan Hills kama­kailan.

Ito’y matapos na ­arestuhin kamakalawa ang 10 tindero ng cellphone ng mga opera­tiba ng QCPD sa gina­wang pagsalakay sa bangketa sa kahabaan ng Commonwealth Ave­nue matapos na pormal na magrek­lamo ang isang biktima ng pagnanakaw ng cellphone at nakita ito sa mga ibinibentang cellphone sa bangketa.

Ayon kay QCPD Acting District Director P/Senior Supt. ­Guillermo Eleazar, dahil mura lang ang bentahan ng cellphone sa lugar, mabilis na naipapasa ng mga magnanakaw ang kanilang mga nakaw na cellphone.