Sumalo sa second spot si CM Stephen Rome Pangilinan matapos pagulungin ang kapwa-Pinoy na si Jeth Romy Morado sa round seven ng 2017 Eastern Asia Juniors Chess Championships kahapon sa Tagaytay City.

Nakalikom si No. 9 seed Pangilinan (elo 2065) ng five points para saluhan sa second si FM Theolifus Yoseph Taher (elo 2369) ng Indonesia. Solo sa unahan si Indonesian FM Novendra Priasmoro (elo 2368).

Napako sa 4.5 points si Morado, kasalo ang dalawang Pinoy woodpushers na sina Patrick De leon at Daniel Quizon sa nine-round, Swiss system.

Sunod na makakalaban ni 14-year-old Pangilinan si De Leon sa eighth at penultimate round.
Inalat si No. 2 seed IM Paulo Bersamina na may apat na puntos pa lang.