WAGI bilang Best TV Network ang ABS-CBN at umani ang Kapamilya network ng 20 tropeo para sa news at entertainment programs, journalists at stars nito sa 2nd Golden Laurel: LPU Batangas Media Awards.

Best Primetime Series ang FPJ’s Ang Probinsyano at ang bida rito na si Coco Martin ang nanalo bilang Best TV Actor.

Pinarangalan ang TV Patrol bilang Best News Program. Best Male News Anchor at Best Female News Anchor sina Noli de Castro at Bernadette Sembrano.

Kinilala rin ang It’s Showtime, Umagang Kay Ganda (Best Mor­ning Show), Matang­lawin (Best Educationa­l Program), Rated K (Best Magazine Show), The Bottomline (Best Public Affairs Program), ASAP (Best Sunday Variety Show), Banana Sundae (Best Comedy Show), at Gandang Gabi Vice (Best Talk Show).

Most Influential Social Media Personality si Liza Soberano, na nanalo rin na Most Popular Love Team kasama si Enrique Gil.

Nag-uwi rin ng para­ngal sina Bea Alonzo (Best TV Actress), Vice Ganda (Best Talk Show Host), Yeng Constantin­o (Best Female Singer) at Darren Espanto (Best Male Singer).

Layunin ng 2nd Gol­den Laurel: LPU Batangas Media Awards na kilalanin ang mahuhusay na media programs, platforms at personalidad.

Pinili ang mga nagwagi ng mga estudyante at empleyado ng LPU Batangas.

***

Panalo pa rin sa ta­kilya ng North Americ­a last weekend ang Dunkirk.

Tinatayang naka-$28.1M ang pelikula ni Direk Christopher Nolan mula Biyernes hanggang Linggo.

Pumangalawa ang bagong bukas na The Emoji Movie.

Humigit-kumulang sa $25.7M ang opening weekend gross ng nasabing animated feature, na inalipusta nang bonggang-bongga ng mga kritiko.

Pangatlo ang R-rated comedy Girls Trip, na tinatayang naka-$20.1M last weekend.

***

Kapamilya na si Aljur Abrenica.

Kahapon eh binisita muli ni Aljur ang ABS-CBN executives na sina Laurenti Dyogi, Deo Endrinal at Cory Vidanes.

Abangan ang paglabas ni Aljur sa iba’t ibang TV shows ng ABS-CBN!